“Amerikanın səsi» və «Azadlıq» radiolarının Azərbaycan xidmətlərinin Türksat peyki vasitəsi ilə yayımı oktyabrın 27-dən dayandırılıb.
“Azadlıq” radiosunun internet səhifəsində radioların yayımının dayandırılmasını texniki səbəblərlə izah edilsə də, texniki problemin nə vaxt aradan qaldırılması ilə bağlı hər hansı məlumat verilmir. Bununla yanaşı, Türksat peykinin tezliklər siyahısından da hər iki radionun adı və tezlikləri ilə bağlı məlumatlar çıxarılıb.
Reportyorların Azadlıq və Təhlükəsizlik İnstitutu (RATİ) məsələni araşdırmaq üçün Türksat-ın səlahiyyətli şəxslərinə sorğu ilə müraciət edib və yaxın günlərdə bu barədə ictimaiyyətə açıqlama veriləcək.