Fevralın 22-də Binəqədi rayon ərazisində “Zeytun bağları” deyilən ərazidə “Azadlıq” qəzetinin əməkdaşı Aqil Xəlili döyən şəxslər artıq istintaqa məlumdur.
Bu xəbəri RATİ-yə qəzetin baş direktoru Azər Əhmədov verib. Onun sözlərinə görə, hal-hazırda həmin şəxslərin saxlanılması istiqamətində işlər görülür. A. Əhmədov onu da bildirib ki, bu gün A. Xəlil fevralın 22-də aldığı zədələrə görə yenidən tibbi ekspertizadan keçirilib. Əhmədov əlavə edib ki, həmin hadisə zamanı ətrafda olan və hadisəni telefonla çəkən məktəblilər də dindirilib. İstintaq Bakı Şəhər Baş Polis İdarəsi tərəfindən aparılır.
Bununla belə qəzetin direktoru Aqil Xəlilin bıçaqlanması ilə əlaqədar hələlik heç bir istintaq hərəkətinin aparılmadığından narahatlığını ifadə edib. O hesab edir ki, bu iş açılmaya bilər.
Qeyd edək ki, bu gün bir sıra qəzetlər (“Bizim yol”, “Yeni Müsavat”, “Azadlıq”) A. Xəlili döyən şəxslərdən birinin xaricə qaçırıldığı barədə məlumat yayıb.
Hazırda Aqil Xəlil Bakıda yaşayan qohumlarının evində qalır.
Bununla belə qəzetin direktoru Aqil Xəlilin bıçaqlanması ilə əlaqədar hələlik heç bir istintaq hərəkətinin aparılmadığından narahatlığını ifadə edib. O hesab edir ki, bu iş açılmaya bilər.
Qeyd edək ki, bu gün bir sıra qəzetlər (“Bizim yol”, “Yeni Müsavat”, “Azadlıq”) A. Xəlili döyən şəxslərdən birinin xaricə qaçırıldığı barədə məlumat yayıb.
Hazırda Aqil Xəlil Bakıda yaşayan qohumlarının evində qalır.