Noyabrın 15-də Avropa İttifaqının Bakı ofisinin Siyasət, iqtisadiyyat və informasiya şöbəsinin rəhbəri cənab Toralf Pilzin başçılıq etdiyi diplomat heyəti Hilal Məmmədovun evinə gələrək, onun ailə üzvləri ilə görüşmüblər. İki saata qədər davam edən görüşdə qonaqlar Hilal Məmmədovun həbs olunduğu gündən bu günə qədər baş verənlər barədə, habelə qondarma iş üzrə istintaq və məhkəmələrin gedişi ilə maraqlanıblar. Bu barədə RATİ-yə hüquq müdafiəçisi Ataxan Əbilov məlumat verib.
Onun sözlərinə görə, cənab Toralf Pilz görüşdə bildirib ki, Avropa İttifaqının mərkəzi qərargahının göstərişi ilə baş tutan bu görüş eyni zamanda siyasi məna kəsb edir və bu onun təmsil etdiyi qurumun Hilal Məmmədovla həmrəyliyinin ifadəsidir.
Qonaqlar həmçinin Hilal Məmmədovun sağlamlıq durumu ilə maraqlanıblar və alimin sağlamlıq durumunu əks etdirən tibbi arayışlar qonaqlara təqdim edilib.
Görüşə qatılan Hilal Məmmədovun atası professor Əlif Məmmədov ailə adından göstərdikləri diqqətə görə Avropa Birliyinin simasında diplomatlara dərin təşəkkürünü bildirib.
Qonaqlar həmçinin Hilal Məmmədovun sağlamlıq durumu ilə maraqlanıblar və alimin sağlamlıq durumunu əks etdirən tibbi arayışlar qonaqlara təqdim edilib.
Görüşə qatılan Hilal Məmmədovun atası professor Əlif Məmmədov ailə adından göstərdikləri diqqətə görə Avropa Birliyinin simasında diplomatlara dərin təşəkkürünü bildirib.