Milli Demokratiyaya Dəstək Fondunun Avropa və Avrasiya proqramı çərçivəsində KİV-ə Beynəlxalq Dəstək Mərkəzinin konfransında Azərbaycan hökuməti tənqid olunub.
“Turan” informasiya agentliyinin məlumatına görə, tədbirdə iştirak edən Beynəlxalq Dəstək Mərkəzinin direktoru Marqarit Sullivan Cənubi Qafqazda jurnalistlərə qarşı məhdudiyyətlər və zorakılıqları mediaya qarşı repressiya kimi qiymətləndirib. O, Bakıda həbs olunmuş bloqçular – Emin Milli və Adnan Hacızadəni də bu repressiyanın qurbanları kimi qiymətləndirib. Direktor həmçinin bildirib ki, bir neçə ildir ki, ”Freedom House” təşkilatı tərəfindən Cənubi Qafqaz ölkələrinin adı bu sahənin gerilədiyi dövlətlər sırasına salınır.