Bu gün (18 noyabr) Bakı Apellyasiya Məhkəməsində hakim İlham Əsədovun sədrliyi ilə bir qrup jurnalistin (Elçin Həsənov, Seymur Həziyev, Əbülfəz Qurbanlı və Eltac Pənahov) Səbail rayon Polis İdarəsinin 39-cu Polis Bölməsinə qarşı informasiya sorğusuna cavab verilməsindən imtina edilməsinin qanunsuz hesab edilməsi barədə verimiş şikayətlə bağlı Səbail rayon Məhkəməsinin 31 mart 2008-ci il tarixlı qətnaməsinə xitam verilməsi üzrə apelliyasiya şikayətinə baxıldı.
Hakim iddianı təmin etmədi və Səbail rayon Məhkəməsinin çıxardığı qərarı qüvvədə saxladı.
Prosesdə iddiaçılardan Elçin Həsənov, Hüquq Maarifçiliyi Cəmiyyətinin hüquqşünası Sadiq Bağırov, cavabdeh tərəfdən isə 39-cu Polis Bölməsinə baş sahə inspektoru İbrahimov Ramiz İbrahim oğlu iştirak edirdi.