“ELMAR HÜSEYNOV MÜKAFATI” ÜÇÜN MÜSABİQƏ KEÇİRİLMƏYƏCƏK

fevral 11th, 2009
“Monitor” jurnalının baş redaktoru Elmar Hüseynovun ölümündən 4 il keçir.

2007-ci ildən bəri hər il bununla  bağlı mərhum jurnalistin adını daşıyan fondun təşəbbüsü ilə “Elmar Hüseynov” mükafatlarının verilməsi ilə bağlı yazı müsabiqəsi keçirilirdi. Bu il belə bir müsabiqənin olmayacağını RATİ-yə Elmar Hüseynov fondunun rəhbəri Şahbaz Xuduoğlu bildirdi. Onun sözlərinə görə hər il bu tədbir Amerika Birləşmiş Ştatlarının  Azərbaycandakı  səfirliyi tərəfindən ayrılmış qrant layihəsinin hesabına olurdu. Bu il  isə bununla bağlı heç bir qrant ayrılmadığından, “Elmar Hüseynov” Fondu tərəfindən heç bir tədbir və müsabiqə keçirilməyəcək”.
Ş.Xuduoğlu əlavə etdi ki, hər il olduğu kimi, bu il də E.Hüseynovun məzarı həmkarları tərəfindən yad ediləcək.
Xatırladaq ki,”Monitor” jurnalının baş redaktoru E.Hüseynov 2005-ci il martın 2-də  evinin qarşısında qətlə yetirilib. Qətlin sifarişçiləri və icraçıları bu vaxta kimi hələ də tapılmayıb.