Bu gün (2 mart) axşam saat 20-də “Monitor” jurnalının baş redaktoru Elmar Hüseynovunun qətlə yetirilməsinin 5 illiyi ilə əlaqədar yaşadığı evinin qarşısında anım mərasimi keçirilmişdir.
Mərasimdə mərhumun jurnalist həmkarları və hüquq müdafiəçiləri iştirak etmişdir. Mərasim iştirakçıları hadisənin baş verdiyi yerdə şamlar yandırmış, mərhumun ruhuna dualar oxumuşdur.
Xatırladaq ki, “Monitor” jurnalının baş redaktoru Elmar Hüseynov 2005-ci ilin mart ayının 2-də axşam saat 20 radələrində yaşadığı mənzilin qarşısında odlu silahla (7 güllə) qətlə yetirilmişdir. Ölüm faktı ilə bağlı cinayət işi açılsa da, hələ də cinayətin üstü açılmamış, qətlin sifarişçiləri və icraçıları tapılmamışdır.
Foto:
http://www.irfs.az/component/option,com_datsogallery/Itemid,30/func,viewcategory/catid,441/lang,az/