JURNALİSTLƏR VƏ HÜQUQ MÜDAFİƏÇİLƏRİ NAXÇIVANDA TƏZYİQLƏ ÜZLƏŞİBLƏR

dekabr 17th, 2010
Bu gün (16 dekabr) bir qrup hüquq müdafiəçisi – RATİ-nin Naxçıvandakı bölgə müxbirləri Elman Abbasov və Həkimeldostu Mehdiyev, Demokratiya və QHT-lərin İnkişaf Resurs Mərkəzinin rəhbəri Məlahət Nəsibova, eyni zamanda RATİ-nin  nümayəndəsi Rəsul Cəfərov Şərur rayonunu Püsyan kəndində təzyiqə məruz qalıblar.

Belə ki, Püsyan kəndində bir həftə əvvəl repressiyalara məruz qalmış ailəyə baş çəkən hüquq müdafiəçilərinin kənddən çıxmasına maneələr törədilib. Kəndin girişi və çıxışında yollar bir qrup mülki geyimli şəxslər tərəfindən kəsilib, hüquq müdafiəçilərinin olduğu avtomobilin gəldiyini görən şəxslər yol boyu 3 maşını saxlayaraq avtomobilin dayandırılmasına cəhd göstəriblər. Bununla yanaşı bir neçə nəfər maşının qarşısına atılaraq onun saxlanmasına cəhd edib. Nəticədə yalnız sürücünün sayıqlığı nəticəsində avtomobili dayandırmaq mümkün olmayıb. Amma hüquq müdafiəçiləri və jurnalistlərə qarşı hücum zamanı əyləşdikləri avtomobilin ön sağ hissəsi naməlum şəxslərdən birinin  yumruq zərbəsi nəticəsində əzilib.