MİRZƏ SAKİTİN ACLIQ EDİB-ETMƏMƏSİ HAQQINDA ZİDDİYƏTLİ MƏLUMATLAR VAR

fevral 7th, 2008
“Azadlıq” qəzetinin həbsdə olan satirik jurnalisti Mirzə Sakit  26 yanvarda başladığı aclığı bu gün dayandırıb.

Bu barədə RATİ-yə 14 saylı CÇ müəssissəsinin  rəisi Ərşad Həsənov verib. O bildirib ki, səhhətində olan bəzi problemlərə görə o, aclığa başlamışdır. Aclığı dayandırmasının səbəbini soruşduqda isə rəis bildirdi ki, “səhhəti ilə bağlı olan problemlər həll olunacaq və razılaşıb”.
M.Sakitin Ombusmanla görüşmək tələbinin yerinə yetirilibmi sualını cavablandırarkən, Həsənov qeyd edib ki, onun belə tələbi olmayıb, ərizədə bu tələb yoxdur”.  
Bu haqda məlumat almaq üçün RATİ  jurnalistin həyat yoldaşı ilə əlaqə saxladı. Rəna Zahidovanın verdiyi məlumata görə M.Sakitin aclıq aksiyasını dayandırması ilə bağlı xəbərlər yalnışdır. Belə ki, saat 18:15 radələrində jurnalistin saxlandığı 14 saylı CM ilə əlaqəsaxlayan R.Zahidovaya jurnalistin aclığı davam etdirdiyini bildiriblər.