Müsavat partiyası və Demokratiya Uğrunda İttifaqa (DUİ) daxil olan partiyaların iyunun 12-də keçirməyə cəhd göstərdikləri aksiyada polis bəzi jurnalistlərə təzyiq göstərib.
Belə ki, polislər aksiya keçirilməsinin qarşısını alarkən jurnalistləri ərazidən uzaqlaşdırmağa, çəkiliş aparmalarına mane olmağa cəhd göstərərək, onların qanuni peşə fəaliyyətini yerinə yetirməsinə imkan verməmişdir. Bəzi hallarda isə polislər jurnalistləri itələməklə fiziki təzyiq də göstərmişdir.
Qeyd edək ki, Müsavat Partiyası və Demokratiya Uğrunda İttifaqa daxil olan partiyalar iyunun 12-də Hüseyn Cavid bağında “seçkiqabağı demokratik şəraitin yaradılması, seçki qanunvericiliyində islahatlar aparılması” tələbi ilə mitinq keçirməyə cəhd edib.