Bu gün (24 sentyabr) Bakı Apellyasiya Məhkəməsində hakim Mirzə Tağızadənin sədirliyi ilə “Proqnoz” qəzetinin baş redaktoru Süleyman Osmanoğlunun Yasamal rayon Məhkəməsininin çıxardığı qərardan verdiyi apellyasiya şikayəti üzrə məhkəmə prosesi keçirilməli idi.
Xatırladaq ki, Rüstəmov Saday İsaq oğlunun “Proqnoz” qəzetinə və qəzetin baş redaktoru Süleyman Osmanoğluna qarşı şərəf və ləyaqətin müdafiəsi və dəymiş mənəvi zərərin ödənilməsi tələbi ilə qaldırmış olduğu iddia əsasında Yasamal rayon Məhkəməsi baş redaktorun 400 AZN məbləğində cərimələnməsi və qəzetin təkzib verməsi haqqında qərar çıxarıb.
Proses zamanı S.Rüstəmov özünün də apellyasiya şikayəti vermək fikrində olduğunu deyib və bu səbəbdən prosesin təxirə salınmasını tələb edib. Hakim S.Rustəmovün bu vəsatətini təmin edərək prosesi qeyri-müəyyən vaxta təxirə salıb.
Onu da qeyd edək ki, “Proqnoz” qəzeti maliyyə problemlərinə görə təxminən bir ildir ki, fəaliyyətini dayandırıb.
Proses zamanı S.Rüstəmov özünün də apellyasiya şikayəti vermək fikrində olduğunu deyib və bu səbəbdən prosesin təxirə salınmasını tələb edib. Hakim S.Rustəmovün bu vəsatətini təmin edərək prosesi qeyri-müəyyən vaxta təxirə salıb.
Onu da qeyd edək ki, “Proqnoz” qəzeti maliyyə problemlərinə görə təxminən bir ildir ki, fəaliyyətini dayandırıb.