Bu gün (19 mart) Yasamal rayon məhkəməsində hakim Tahir İsmayılovun sədrliyi ilə “Azad İqtisadiyyata Yardım” Mərkəzinin rəhbəri Zöhrab İsmayılın (İsmayılov) informasiya sorğusunu cavablandırmadığına görə Statistika Komitəsinə qarşı qaldırdığı iddiası üzrə məhkəmə prosesi keçirilib.
Məhkəmə prosesində cavabdeh tərəfin səlahiyyətli nümayəndəsi Adil Quliyev hakimdən məhkəmə prosesini 1 aprel tarixinə kimi təxirə salmasını xahiş etdi. İddiaçı tərəf isə buna etiraz eləmədi və hakim T.İsmaylov məhkəmə prosesini 1 aprel saat 16.00-a kimi təxirə saldı.