SEÇKİLƏRİN MONİTORİNQİ VƏ DEMOKRATİYANIN TƏDRİSİ MƏRKƏZİNİN ƏDLİYYƏ NAZİRLİYİNƏ QARŞI İDDİASI İCRAAT

avqust 21st, 2009
Bu gün (21 avqust) Yasamal rayon məhkəməsində hakim Raqib Qurbanovun sədrliyi ilə Seçkilərin Monitorinqi və Demokratiyanın Tədrisi Mərkəzinin (SMDT)  Azərbaycan Respublikası Ədliyyə Nazirliyinə qarşı “Qeyri-hökumət təşkilatının dövlət qeydiyyatına alınmasından imtinanın qanunsuz sayılması və birləşmək hüququnun pozulması”na dair iddiasına əsasən hazırlıq iclası keçirilib.

Hazırlıq iclasında iddia icraata götürülüb və proses 31 Avqust saat 11.00-a təyin edilib.
Qeyd edək ki, SMDT-nin qeydiyyat üçün 26 yanvar 2009-cu ildə təqdim etdiyi sənədləri 29 aprel 2009-cu ildə Ədliyyə nazirliyinin Qeydiyyat və Notariat Baş İdarəsi geri qaytarıb və qaydasında olmadığını bildirib. SMDT-nin təsisçiləri Ədliyyə nazirliyinin hərəkətini hüquqa zidd davranış kimi qiymətləndirərək, Ədliyyə nazirliyinə qarşı Yasamal rayon məhkəməsində iddia qaldırmışdılar. Yasamal rayon məhkəməsi isə SMDT təsisçilərinin müraciətini əsassız iddialarla qəbul etməyərək, 3 dəfə iddianı icraata almaqdan imtina etmişdi.