Azərbaycan Xalq Cəbhəsi Partiyasının məhkəməsi qeyri-müəyyən müddətə təxirə salınıb

September 8th, 2021

Xalq Cəbhəsi Partiyası liderinin cangüdəni Niyaməddin Əhmədovun işi üzrə sentyabrın 8-nə təyin edilmiş məhkəmə iclası dövlət ittihamçısının xəstəliyilə əlaqədar təxirə salınıb.

Hüquq müdafiəçisi Zəfər Əhmədov jurnalistlərə bildirib ki, hazırda məhkəmə istintaqı sənədlərin araşdırılması mərhələsindədir. Onun sözlərinə görə, Əhmədovun günahı sübuta yetirilməyib.

“İşdə “terror” faktı yoxdur, bu səbəbdən “terrorun maliyyələşdirilməsi” və müvafiq olaraq “qrupun tərkibində terror törətmək” də yoxdur. Məhkəmənin əvvəlindən aydın oldu ki, Əhmədova qarşı bütün ittihamlar əsassızdır”, – hüquq müdafiəçisi deyib.

Məhkəmə istintaqı qeyri-müəyyən müddətə təxirə salınıb.

*16 aprel 2020-ci il tarixində Bakının Xətai Rayon Məhkəməsi Niyaməddin Əhmədovu karantini pozduğuna görə 30 sutka həbs edib. Aprelin 28-də onu istintaq təcridxanasından çıxarıblar, Əli Kərimliyə qarşı ifadə verməsini tələb edərək amansız işgəncələrə məruz qoyublar.

İnzibati həbs başa çatdıqdan sonra mayın 16-da Əhmədovu Cinayət Məcəlləsinin 214-1-ci (terrorizmin maliyyələşdirilməsi) maddəsilə ittiham edərək yenidən həbs ediblər. 18 yanvar 2021-ci ildə ona qarşı yeni ittihamlar irəli sürülüb: Cinayət Məcəlləsinin 233-1.1.2-ci (qanunla mülki dövriyyədə olmasına yol verilməyən (mülki dövriyyədən çıxarılmış) əşyaları qanunsuz olaraq hazırlama, əldə etmə, saxlama, daşıma, gəzdirmə, başqasına vermə və ya satma) və 28,281.2-ci maddəsi (dövlət əleyhinə yönəlmiş açıq çağırışlara hazırlıq, dəfələrlə bir qrup şəxs tərəfindən törədildikdə).

Hüquq- müdafiə təşkilatları Əhmədovu siyasi məhbus kimi tanıyıblar.

By TURAN