Apellyasiya Məhkəməsi jurnalisti həbsdə saxlayıb

İyunun 14-də Bakı Apellyasiya Məhkəməsi araşdırmaçı jurnalist Hafiz Babalının həbs müddətinin 1 ay – iyulun 13-dək uzadılması ilə bağlı şikayətini təmin etməyib.

Onun vəkili Rəsul Cəfərov Turan-a bildirib ki, müdafiə tərəfi Babalının cinayət təqibini və həbs olunmasını əsassız hesab edir. Babalı görmə üzrə üçüncü qrup əlildir. Bundan əlavə, aşağı ətraf damarlarının varikoz genişlənməsindən əziyyət çəkir və bu xəstəlik istintaq təcridxanasında kəskinləşib. Jurnalistin cərrahi əməliyyata ehtiyacı var.

*Hafiz Babalı 2023-cü ilin dekabrında “Abzas Media” nəşrinin əməkdaşlarına qarşı cinayət işi çərçivəsində həbs edilib. Onlar qabaqcadan əlbir olan bir qrup şəxs tərəfindən xarici valyuta qaçaqmalçılığında ittiham olunurlar.

Həbs olunanlar özlərini günahkar hesab etmirlər. Hüquq müdafiəçiləri onları siyasi məhbuslar kimi tanıyıblar. Beynəlxalq təşkilatlar onların azadlığa buraxılmasını tələb edirlər.
Previous Post

Court of Appeal leaves journalist in custody

Next Post

The trial in the case  of Tofiq Yagublu has begun

Start typing to see you are looking for.