[vc_row][vc_column][vc_column_text]Bazar ertəsi Bakı Apellyasiya Məhkəməsi İşçi Masası Həmkarlar İttifaqları Konfederasiyasının rəhbəri Afiyəddin Məmmədovun həbsinin daha 2 ay uzadılmasından şikayəti təmin etməyib.
Məmmədov sentyabrın 20-də naməlum şəxs tərəfindən hücuma məruz qaldıqdan sonra saxlanılıb. Lakin Məmmədovun özü hücumda və başqasını bıçaqlamaqda ittiham olunub.
Sentyabrın 21-də axşam Xətai Rayon Məhkəməsi Məmmədovu Azərbaycan Cinayət Məcəlləsinin 221.3 (xuliqanlıq-silah qismində istifadə olunan əşyalardan istifadə etməklə törədildikdə) və 126.1-ci (qəsdən sağlamlığa ağır zərər vurma) maddələrilə ittiham edərək həbs edib. Bu maddələr üzrə onu 8 ilədək həbs təhlükəsi gözləyir.
Noyabrın 15-də məhkəmə həbs müddətini daha 2 ay uzadıb. Hüquq müdafiəçiləri Məmmədovu siyasi məhbus kimi tanıyıblar.
Qeyd edək ki, Afiyəddin Məmmədovun rəhbərlik etdiyi Müstəqil Həmkarlar İttifaqı kuryer xidməti işçilərinin maraqlarını müdafiə edib.
[/vc_column_text][/vc_column][/vc_row]