Məhkəmə Bəxtiyar Hacıyevi girov müqabilində azadlığa buraxmaqdan imtina edib

Yanvarın 18-də Bakının Xətai Rayon Məhkəməsi müdafiə tərəfinin ictimai fəal Bəxtiyar Hacıyevin əmlak girovu müqabilində azadlığa buraxılması haqqında vəsatətini təmin etməyib. Bu barədə Turan-a hüquq müdafiəçisi Rüfət Səfərov bildirib.

Müdafiə tərəfi apellyasiya şikayəti vermək niyyətindədir.

* Bəxtiyar Hacıyev dekabrın 9-da xuliqanlıq və məhkəməyə hörmətsizlik ittihamı ilə saxlanılıb. Elə həmin gün Xətai Rayon Məhkəməsi onu 1 ay 20 gün müddətinə azadlıqdan məhrum edib.

Dekabrın 15-də Hacıyev həbsdən azad edilməsi tələbi ilə aclıq elan edib. İctimaiyyət nümayəndələrinin və ailə üzvlərinin israrlı çağırışlarından sonra dekabrın 28-də axşam o, aclığı dayandırıb. Amma yanvarın 9-da Apellyasiya Məhkəməsi həbsi ilə bağlı şikayətini növbəti dəfə təmin etmədikdən sonra Hacıyev aclığı bərpa edib və hələ də aksiyanı davam etdirir.

Previous Post

The court did not release Bakhtiyar Hajiyev on bail

Next Post

ECHR recognized violations of the rights of Avaz Zeynalli and Ganimat Zahid

Start typing to see posts you are looking for.