Martın 19-da Bakı Apelyasiya Məhkəməsində AXCP-nin Nərimanov Rayon Şöbəsinin üzvü Elnur Həsənovun həbsinin ev dustaqlığı ilə əvəzlənməsi barədə apellyasiya şikyətinə baxılıb. Şikayət təmin edilməyib, Xətai Rayon Məhkəməsinin qərarı qüvvədə saxlanılıb.
Onun vəkili Nemət Kərimlinin verdiyi məlumata görə, Həsənov barəsində ibtidai istintaq başa çatıb və iş Bakı Ağır Cinayətlər Məhkəməsinə göndərilib. Hazırlıq iclası martın 28-də hakim Cavid Hüseynovun sədrliyi ilə keçiriləcək.
* Elnur Həsənov 28 noyabr 2023-cü il tarixində narkotik vasitələrin qanunsuz dövriyyəsi (CM-in 234.4.3-cü mad.) ittihamı ilə həbs olunub. Fəal hesab edir ki, həbsinin əsl səbəbi Yol Polisi rəhbərliyinin hərəkətlərini tənqid etməsidir. Fevralın 24-də məhkəmə onun həbs müddətini bir ay uzadıb.
