Mətbuat azadlığının və jurnalistlərin təhlükəsizliyinin təşviqi

December 18th, 2012

Təşkilatın fəaliyyəti Azərbaycanda mətbuat azadlığı sahəsindəki problemlərin ABŞ və Avropanın müvafiq sahədə fəaliyyət göstərən təşkilatlarının və vəzifəli şəxslərinin diqqətinə çatdırılması nöqteyi-nəzərindən əhəmiyyətli olmuşdur. RATİ 2007-ci ilin oktyabrından Beynəlxalq Söz Azadlığı Mübadiləsi (İFEX) təşkilatının, 2012-ci ilin noyabrından isə Qlobal Şəbəkə Təşəbbüsü (GNI) təşkilatının üzvüdür.

RATİ jurnalistlərin təhlükəsizliyinin monitorinqində və onlara qarşı cinayət törədən şəxslərə cəza verilməməsi mühiti ilə mübarizədə mühüm rol oynayır. Yarandığı 2006-cı ildən bəri RATİ Azərbaycanda media nümayəndələrinin zorakılıq təhlükəsindən azad mühitdə çalışması və ifadə azadlığı hüququnun mütləq şəkildə təmin olunması uğrunda mübarizədə də qabaqcıl yer tutur. 2011-ci ilin iyulunda Danimarkanın Beynəlxalq Mediaya Dəstək (IMS) təşkilatının maliyyə dəstəyi ilə RATİ jurnalistlərin təhlükəsizliyi istiqamətində yeni layihəyə start verdi – layihə çərçivəsində jurnalistlərə qarşı təhlükələrə cəld reaksiya verilir, bunun üçün ayrıca “qaynar xətt” fəaliyyət göstərir və jurnalistlərə təhlükəsiz kommunikasiya mövzusunda təlimlər keçirilir.

Jurnalistlərin təhlükəsizliyin daha da gücləndirilməsi üçün RATİ hazırda qarşısına iki məqsəd qoymuşdur:

• Jurnalistlərin və media nümayəndələrinin öz təhlükəsizliyini təmin edə bilməsi mədəniyyətinin yaradılması
• Jurnalistlərin təhlükəsizliyinə xarici təhlükələrin azaldılması istiqamətində tədbirlərin görülməsi

Əlavə məlumat üçün bizimlə info@irfs.org elektron poçtu vasitəsilə əlaqə saxlayın