İnformasiya azadlığının mühafizəsi

December 18th, 2012

RATİ hesab edir ki, ölkə vətəndaşlarının və beynəlxalq ictimaiyyətin informasiyaya çatımlılığını təmin etmək çox effektiv bir vasitədir. Azərbaycanda medianın fəaliyyəti ilə bağlı məlumatlılığı artırmaqla, məqsədimiz cəmiyyətin mətbuat azadlığı ilə, habelə tam və qərəzsiz xəbərlə təmin olunmasını tələb etmə mədəniyyətinin formalaşdırılmasıdır.
Əlavə məlumat üçün bizimlə info@irfs.org elektron ünvanı vasitəsi ilə əlaqə saxlayın
• İnternet azadlığının təşviqi
RATİ “Onlayn İfadə Təşəbbüsü” kampaniyası vasitəsilə Azərbaycanda internetə çatımlılığın artırılması və internet azadlığının təmin olunması məqsədilə ictimai dialoqu gücləndirir. Burada əsas məqsəd vətəndaşların demokratiya və şəffaflığın olmamasına qarşı mübarizəsinin güclənməsi üçün onları informasiya əldə etməyin müxtəlif formaları ilə təmin etməkdir.
“Onlayn İfadə Təşəbbüsü” kampaniyası üç əsas istiqamətdə fəaliyyət göstərir:
• İnternetə və informasiyaya çatımlılığın, “elektron hökumət” proqramının obyektiv şəkildə həyata keçirilməsinin, internetdə ifadə azadlığının təmin olunmasının, habelə hökumətin interneti filtrləşdirmə və məhdudlaşdırma meyllərinin və bunun demokratiyaya və şəffaflığa təsirlərinin davamlı olaraq araşdırılması;
• İnternetə çatımlılığın və internet azadlığının təmin olunması üçün müvafiq təkliflərin və tövsiyələrin işlənib hazırlanması;
• Təlim və digər resurslar vasitəsilə ictimai vəkillik və araşdırma fəaliyyəti ilə məşğul olan şəxslərin potensialının artırılması, onlara internet azadlığı sahəsində geniş təcrübə və biliyin öyrədilməsi

Onlayn İfadə Təşəbbüsü kampaniyasının Azərbaycanda internet azadlığının vəziyyəti ilə bağlı “Azadlıq axtarışında: Azərbaycanda onlayn ifadə” adlı son hesabatı ilə tanış ola bilərsiniz.
Əlavə məlumat üçün bizimlə info@irfs.org elektron ünvanı vasitəsi ilə əlaqə saxlayın