İfadə azadlığının müdafiəsi

December 18th, 2012

RATİ-nin ümumi ifadə azadlığı yanaşması və onun mətbuat azadlığına qarşı sərt tədbirlərə cəld reaksiya verməsi RATİ-nin Azərbaycandakı fəaliyyətinin əsasını təşkil edir.

RATİ Azərbaycanda ifadə azadlığının pozulması hallarının monitorinqini aparır, müvafiq hesabatlar, bəyanatlar və müraciətlər hazırlayır, araşdırmalar aparır, gündəlik xəbərlər dərc edir, mətbuat konfransları keçirir və jurnalist hüquqları barədə maarifləndirmə işini həyata keçirir. Fəaliyyətinin əsas məqsədinə uyğun olaraq RATİ Azərbaycanda ifadə azadlığının vəziyyəti ilə bağlı müntəzəm qaydada geniş hesabatlar hazırlayır.

2012-ci ilin noyabrında RATİ “Susmaq hüququ” adlı hesabatını dərc etdi. Prezident seçkilərinə bir ildən də az qaldığı bir vaxtda RATİ bu hesabatı hazırlamaqla ölkədə vətəndaşların ifadə, sərbəst toplaşma və birləşmə azadlığı hüquqlarının pozulması ilə bağlı narahatlıq doğuran məqamları işıqlandırdı.
Hesabatda RATİ belə bir nəticəyə gəlir ki, son illərdə, xüsusilə də bu il ölkədə keçirilmiş iki nüfuzlu beynəlxalq tədbirlə (Avroviziya 2012 Mahnı Müsabiqəsi və 7-ci Beynəlxalq İnternet İdarəçilik Forumu) bağlı olaraq, Azərbaycan hakimiyyəti bu üç azadlığı daha da məhdudlaşdırmaq üçün tədbirlər görmüşdür. Hesabat jurnalistlərə qarşı zorakılıq, media nümayəndələrinin və hüquq müdafiəçilərinin həbsi və mediaya dövlət nəzarəti kimi mövzuları araşdırmışdır.

Əlavə məlumat üçün bizimlə info@irfs.org elektron ünvanı vasitəsi ilə əlaqə saxlayın