Bu gün (25 sentyabr) Reportyorların Azadlıq və Təhlükəsizlik İnstitutunun (RATİ) Mətbuat Mərkəzində Abşeron rayonunun keçmiş donuzkökəltmə və tərəvəzçilik sovxozunun əmək kollektivi əmək və torpaq hüquqlarının pozulmasına dair mətbuat konfransı keçirdilər.
Mətbuat konfransını Fətullayev Nəhmət, Sultanov Arif, Bəşirova Hümay və əmək kollektivinin hüquqşünası Rəhman Cəbiyev keçirdi.
R.Cəbiyevin sözlərinə görə, sovxoz 1998-ci ilə ləğv edilərək bazasında kənd təsərrüfatı məhsulları istehsalı müəssisəsi yaradılıb. Daha sonra isə müəssisə “Azərsun Holdinq” şirkətinə 27 milyon AZN-ə satılıb. Amma əmək kollektivin isə nə bu puldan, nə də müəssisənin min hektarlarla sahəsində pay torpaq verilməyib. Əvəzində müəssisə rəhbərləri saxta sənədlərlə torpaqları digər şəxslərə satıblar ki, həmin şəxslər də artıq ərazidə evlər tikiblər.Qeyd edək ki, bu sosial problemə aid olan mövzu üzrə bağlı konfransın RATİ-nin Mətbuat Mərkəzində keçirilməsinə səbəb əmək kollektivinin mətbuat konfransını keçirməyə yer tapa bilməmələri ilə (http://www.irfs.az/content/view/1230/28/lang,az) bağlıdır.