Fevralın 20-də Bakı Apellyasiya Məhkəməsinin binası qarşısında Bəxtiyar Hacıyevə dəstək aksiyası zamanı saxlanılan üçüncü şəxs – Rza Səfərsoy indiyədək polis bölməsindədir. Bu barədə onun həyat yoldaşı Təranə Səfərsoy öz facebook səhifəsində yazıb.
“Rza dünən məhkəmə prosesindən sonra metroya tərəf gedərkən yolda saxlanılıb. Bir maşın onun yanında saxlayıb. Maşındakı mülki geyimli şəxslər onu sürüyə-sürüyə aparıb və zorla maşına mindiriblər. Bundan sonra ondan xəbər yoxdur”, deyə o qeyd edib.
Daxili İşlər Nazirliyinin mətbuat xidmətindən Turan Agentliyinə Səfərsoyun saxlanıldığını təsdiq ediblər, araşdırma aparıldığını bildiriblər.