Bu gün Xəzər Rayon Məhkəməsi dəfələrlə təxirə salındıqdan sonra, nəhayət, Xalq Cəbhəsi Partiyasının üzvü Aqil Məhərrəmlinin müraciəti üzrə qərar çıxarıb. O, cəzasının üçdə iki hissəsini çəkməsilə əlaqədar cəzanın yüngülləşdirilməsini xahiş edib. Fəal məhkəmədən qalan müddətin şərti cəza ilə əvəzlənməsini xahiş edib.
Lakin məhkəmə Məhərrəmlinin müraciətini təmin etməyib və bunu koloniya administrasiyasından gələn “mənfi xarakteristika” ilə əsaslandırıb.
Müdafiə tərəfi qərarı ədalətsiz hesab edir və apellyasiya vermək niyyətindədir.
Xatırladaq ki, Məhərrəmli 2018-ci ilin mayında “Azərbaycan Xalq Cəbhəsinin qanunsuz maliyyələşdirilməsi” işi üzrə həbs edilib. 4 il həbs cəzası alıb. Mayın sonunda həbsinin üç ili tamam olub. Qanunvericiliyə əsasən o, şərti olaraq vaxtından əvvəl azadlığa buraxılmaq hüququna malikdir.
By TURAN