Senator Marko Rubio Mehman Hüseynovu dərhal azad etməyə çağırıb

yanvar 5th, 2019


Turan: Amerika senatoru Marko Rubio rəsmi Bakını bloger Mehman Hüseynovu dərhal azad etməyə çağırıb. “Azərbaycanlı bloger saxta ittihamla həbsdə saxlanılır. Hazırda o, başladığı aclıq aksiyası ilə əlaqədar kritik vəziyyətdədir. Azərbaycan hökuməti onu dərhal azad etməlidir”, deyə senator Tvitterdəki bloqunda yazıb.

Xatırladaq ki, Hüseynov polisə böhtan atmaq ittihamı ilə iki illik həbs cəzası çəkdiyi cəzaçəkmə müəssisəsində guya nəzarətçiyə müqavimət göstərmək haqqında açılmış yeni işlə əlaqədar 10 gündür aclıq aksiyasını davam etdirir.