Bu gün (20 may) Yasamal Rayon Məhkəməsinin hakimi Xəqani Tağıyevin sədrliyi ilə iş adamı Eldar Məmmədəliyevin təhqir və böhtan, şərəf və ləyaqətin alçaldılması iddiası ilə "Təhqiqat" qəzetinə qarşı qaldırdığı iddia əsasında məhkəmə iclası keçirilməli idi. Lakin cavabdeh tərəfin xahişi ilə prosesi 05 iyun saat 16. 30-a kimi təxirə salınıb.
Xatırladaq ki, iddiaya səbəb “Təhqiqat” qəzetinin 20-30 dekabr 2007-ci il tarixli sayında "Qara gədələrin Türkmənistan və Azərbaycandakı qara əməlləri" başlıqlı məqalə olub. İddiaçı məhkəmədən qəzetin təkzib verməsini və 10 000 AZN məbləğində cərimələnməsini xahiş edir.