“Gündəlik Bakı” qəzetinə qarşı daha bir iddia ərizəsi məhkəməyə təqdim olunub.
Bu barədə RATİ-yə qəzetin təsisçisi və baş redaktoru Habil Vəliyev məlumat verib: “Dünən Mətbuat Şurasından və Yasamal rayon Məhkəməsindən redaksiyamıza məktub gəlib. Mətbuat Şurasından gələn məktubda bildirilir ki, Yasamal rayonu ərazisində yerləşən 21 saylı orta məktəbin rəhbərliyi bizdən şikayət edib. Məhkəmədən gələn məktubda isə göstərilir ki, bizə qarşı iddia ərizəsi var. İddiaçı olan 21 saylı orta məktəbin rəhbərliyi məhkəmədən qəzetimizin istehsalına və yayımına xitam verilməsi, dəymiş mənəvi zərərə görə redaksiyanın 10.000 (on min) AZN, yazının müəllifi Əli Mövluddan 15.000 (on beş min) AZN məbləğində cərimənin tutulması haqqında qərarın çıxarılmasını istəyib”.
Qeyd edək ki, iddiaya səbəb qəzetin 07 noyabr 2008-ci il tarixli sayında “5-ci sinif şagirdi zorlandı” başlıqlı məqalə olub.
Qeyd edək ki, iddiaya səbəb qəzetin 07 noyabr 2008-ci il tarixli sayında “5-ci sinif şagirdi zorlandı” başlıqlı məqalə olub.
Gün ərzində bir-neçə dəfə RATİ əməkdaşları 21 saylı orta məktəbin direktoru Fərrux Ağasıbəyli ilə telefon vasitəsilə əlaqə saxlamağa çalışsalar da, zənglərə cavab verən katibə direktorun dərsdə olduğunu bildirib.
Belə ki, “Gündəlik Bakı” qəzeti ilə bağlı Mətbuat Şurasına daxil olan şikayətlə baxılmayıb. Artıq məsələ ilə bağlı məhkəməyə müraciət edildiyini əsas gətirən şura müraciəti gündəlikdən çıxarıb.
Belə ki, “Gündəlik Bakı” qəzeti ilə bağlı Mətbuat Şurasına daxil olan şikayətlə baxılmayıb. Artıq məsələ ilə bağlı məhkəməyə müraciət edildiyini əsas gətirən şura müraciəti gündəlikdən çıxarıb.