Noyabrın 13-də saat 16.30 radələrində Bakı Metrosunun “Koroğlu” stansiyasında çəkiliş aparan ANS telekanalının müxbiri Elgiz Nəbili və operator Təbdiz Hacıyev polis təzyiqinə məruz qalıb. Bu barədə Reportyorların Azadlıq və Təhlükəsizlik İnstitutuna E.Nəbili məlumat verib.
Belə ki, adı çəkilən stansiyada təmir zamanı ətrafında olan obyektlərinin sahiblərinə bir müddətə mağazaların bağlanılmasını təklif ediblər. Amma stansiyada və ətrafdakı obyektlərdə təmir işləri bitdikdən sonra mülkləri özlərinə deyil, başqa şəxslərə verilib. Bu məsələni araşdıran jurnalistlər isə polis tərəfindən zorakılıqla stansiya ərazisindən uzaqlaşdırılıblar.
E.Nəbilinin sözlərinə görə, ciddi xəsarət almayıblar: “Bizi itələməklə ərazidən kənarlaşdırdılar deyə ciddi zədə almadıq”.
E.Nəbilinin sözlərinə görə, ciddi xəsarət almayıblar: “Bizi itələməklə ərazidən kənarlaşdırdılar deyə ciddi zədə almadıq”.