Bu gün (16 sentyabr) Yasamal Rayon Məhkəməsində hakim Xəqani Tağıyevin sədrliyi ilə “Azadlıq” qəzetinin baş redaktoru Qənimətin Zahidin (Zahidov) iddiası üzrə məhkəmə prosesi sona çatıb. Hakim baş redaktorun iddiasının təmin edilməməyi barədə qərar çıxarıb.
Prosesdən sonra baş redaktor RATİ-yə hakimin bu qərarından apellyasiya şikayəti verəcəyini bildirib.
Qeyd edək ki, Qənimət Zahid üzərində olan məhkumluğun götürülməsi ilə bağlı məhkəməyə müraciət etmişdi.
Xatırladaq ki, Qənimət Zahid Cinayət Məcəlləsinin 127.2.3 ( xuliqanlıq niyyəti ilə qəsdən sağlamlığa az zərər vurma ) maddəsi ilə ittiham olunaraq 3 il 6 ay, Cinayət Məcəlləsinin 221-ci maddəsi ilə ittiham edilməklə isə 6 ay olmaqla ümumilikdə, 4 il müddətində azadlıqdan məhrum edilmişdi. Azərbaycan Respublikasının Prezidentinin 17 mart 2010-cu il arixli əfv sərəncamı ilə azadlığa buraxılıb.
“Azadlıq” qəzeti 1989-cu ildən çıxır və gündəlik qəzet kimi fəaliyyət göstərir.