Bu gün (5 noyabr) Yasamal rayon Məhkəməsində hakim Xaqani Tağıyev Təhsil Nazirliyinin (TN) nəzdində fəaliyyət göstərən “Dərslikləri Qiymətləndirmə Şurası”nın təhsil üzrə ekspert Əlövsət Osmanlıya qarşı xüsusi ittiham qaydasında şikayətə xitam verilməsi ilə bağlı qərarını elan edib. Bu barədə Reportyorların Azadlıq və Təhlükəsizlik İnstitutuna (RATİ) Ə. Osmanlının özü məlumat verib.
O bildirib ki, qarşı tərəf davamlı olaraq məhkəmə iclaslarına qatılmadığına görə hakim X. Tağıyev işə xitam verilməsi barədə qərar çıxarıb.
Xatırladaq ki, Ə.Osmanlının “Azadlıq” qəzetində təhsildəki nöqsanlarla bağlı yazdığı silsilə yazılardan birində getmiş “Dərslikləri Qiymətləndirmə Şurası dərslik komplektlərinin seçimində saxtakarlığa yol verir” cümləsini özlərinə qarşı böhtan hesab edən DQŞ üzvləri Cinayət Məcəlləsinin 147.1 maddəsi ilə Yasamal Rayon Məhkəməsinə müraciət ediblər.