Bu gün (24 dekabr) “Azadlıq” qəzetinin 20 yaşı tamam olur. Azərbaycanda ilk müstəqil qəzet olan “Azadlıq”ın birinci sayı 1989-cu il dekabrın 24-də nəşr olunub. Gündəlik nəşr olunan “Azadlıq” ölkənin ən çox tirajlı qəzetlərindəndir. Qəzetin ilk baş redaktoru Nəcəf Nəcəfov olub.
“Azadlıq” qəzetinin hazırkı baş redaktoru, yerli və beynəlxalq təşkilatlar tərəfindən Vicdan Məhbusu kimi tanınan Qənimət Zahid (Zahidov) 2007-ci ilin noyabr ayında həbs olunub. CM-nin 127.2.3 (xuliqanlıq niyyəti ilə qəsdən sağlamlığa az zərər vurma) maddəsi ilə ittiham olunaraq 3 il 6 ay, CM-nin 221-ci maddəsi ilə ittiham edilməklə isə 6 ay olmaqla ümumilikdə, 4 il müddətində azadlıqdan məhrum edilib.