“Azadlıq” qəzetinin direktoru Azər Əhmədovun RATİ-yə verdiyi məlumata görə, qəzetin əməkdaşı Aqil Xəlilin bıçaqlanması ilə əlaqədar açılmış cinayət işi Baş Prokurorluğun Ağır Cinayətlərə Dair İstintaq İdarəsinə verilib.
Bu barədə Əhmədova Bakı Şəhər Baş Polis İdarəsindən xəbər veriblər. Baş direktorun sözlərinə görə, bunun səbəbi izah edilməyib, prokurorluqda isə telefonlara cavab verilmir.
Əhmədov onu da əlavə edib ki, jurnalistin səhhəti normallaşır. Hal-hazırda Xəlilin martın 19-dan Kürdəmir rayonunda olduğunu vurğulayan Əhmədov onun rayonda müalicə aldığını, həm də dincəldiyini vurğuladı: “Yarasının tikişləri bir neçə gün əvvəl sökülmüşdü. Dünən də qalan iki tikişi sökülüb. Vəziyyəti get-gedə yaxşılaşır. Lakin bədəninin sol tərəfində arabir keyimələr olur”.
Xatırladaq ki, Aqil Xəlilin martın 13-də bıçaqlanması ilə əlaqədar Cinayət Məcəlləsinin 127-ci maddəsi (qəsdən sağlamlığa az zərər vurma) ilə cinayət işi açılmışdı. İstintaq Bakı Şəhər Baş Polis İdarəsində aparılırdı.
Əhmədov onu da əlavə edib ki, jurnalistin səhhəti normallaşır. Hal-hazırda Xəlilin martın 19-dan Kürdəmir rayonunda olduğunu vurğulayan Əhmədov onun rayonda müalicə aldığını, həm də dincəldiyini vurğuladı: “Yarasının tikişləri bir neçə gün əvvəl sökülmüşdü. Dünən də qalan iki tikişi sökülüb. Vəziyyəti get-gedə yaxşılaşır. Lakin bədəninin sol tərəfində arabir keyimələr olur”.
Xatırladaq ki, Aqil Xəlilin martın 13-də bıçaqlanması ilə əlaqədar Cinayət Məcəlləsinin 127-ci maddəsi (qəsdən sağlamlığa az zərər vurma) ilə cinayət işi açılmışdı. İstintaq Bakı Şəhər Baş Polis İdarəsində aparılırdı.