İyunun 19-da jurnalistlər və hüquq müdafiəçiləri monitorinq aparmaq istəyərkən Səbail rayon məhkəməsinin qarşısında polis tərəfindən fiziki təzyiqə məruz qalıblar.
Belə ki, iyunun 19-da “Azadlıq” blokunun “sərbəst toplaşma və azad seçki” tələbilə keçirdiyi etiraz aksiyasında saxlanılan şəxslər barələrində tədbir görülməsi üçün polis bölməsindən Səbail rayon məhkəməsinə aparıblar. Saxlanılanlardan biri – Azərbaycan Xalq Cəbhəsi Partiyasının üzvü İnqilab Kərimov Reportyorların Azadlıq və Təhlükəsizlik İnstitutuna (RATİ) bildirib ki, Səbail rayon 8-ci polis bölməsində saxlanılan şəxslərin bəzilərinə fiziki təzyiqlər olub. O, ən çox gənc fəal Rövşən Nəsirlinin döyüldüyünü vurğulayıb. RATİ əməkdaşları da Rövşən Nəsirlinin üz nayihəsində ciddi xəsarətlər olduğunun şahidi olublar.
Sözügedən məhkəmə prosesində monitorinq aparmaq istəyən media nümayəndələrinə qanuni peşə fəaliyyətini yerinə yetirməyə polislər mane olub və onları məhkəmə prosesinə buraxmayıblar. Həmçinin polis bölməsində fiziki təzyiqə məruz qalaraq xəsarət alan şəxslərin görüntüsünün çəkilməsini əngəlləməyə cəhd göstərərək, jurnalistləri məhkəmə binasının qarşısından uzaqlaşdırıblar. Bu zaman hüquq müdafiəçiləri – Reportyorların Azadlıq və Təhlükəsizlik İnstitutunun (RATİ) sədri Emin Hüseynov, Seçkilərin Monitorinqi və Demokratiyanın Tədrisi (SMDT) ictimai birliyini sədri Anar Məmmədli və bir neçə jurnalist polis əməkdaşlarının təzyiqi ilə üzləşiblər.
Xatırladaq ki, məhkəmənin qərarı ilə Rövşən Nəsirli 15 sutka, 4 nəfər 10 sutka həbs cəzası alıb, 6 nəfər isə 20 manat cərimələnərək sərbəst buraxılıb.
Video: http://www.irfs.az/content/view/4083/31/lang,az/
http://www.irfs.az/content/view/4081/31/lang,az/
Foto:
http://www.irfs.az/component/option,com_datsogallery/Itemid,30/func,viewcategory/catid,533/lang,az/
http://www.irfs.az/component/option,com_datsogallery/Itemid,30/func,viewcategory/catid,532/lang,az/