Bu gün (07 aprel) Yasamal rayon Məhkəməsində hakim Xəqani İsmaylovun sədrliyi ilə Bakı Dövlət İqtisadiyyat və Humanitar Kollecinin direktoru Bilman Vəliyevin “Gündəlik Bakı” qəzetinə qarşı mülki qaydada qaldırdığı iddiasına əsasən məhkəmə prosesi keçirilib.
“Gündəlik Bakı” qəzetinin təsisçisi və baş redaktoru Habil Vəliyev iddiaya səbəb olan yazılarda təhqiredici ifadələrin olmadığını bildirdi. Hakim Habil Vəliyevə iddiaya səbəb olan 19 məqalənin müəlliflərinin dəqiqləşdirilməsi ilə bağlı arayış təqdim etməli olduğunu bildirdi və növbəti prosesi 13 aprel saat 15:00-a təyin etdi.
Qeyd edək ki, iddiaçı sözü gedən 19 məqalədə şərəf və ləyaqətinin alçaldıldığını və təhqir edildiyini iddia edir və cavabdehin ondan üzr istəməsini, habelə təkzib verməsini tələb edir.
Qeyd edək ki, iddiaçı sözü gedən 19 məqalədə şərəf və ləyaqətinin alçaldıldığını və təhqir edildiyini iddia edir və cavabdehin ondan üzr istəməsini, habelə təkzib verməsini tələb edir.