“Millətim” qəzetinin idman yazarı, həmçinin qəzetin baş məsləhətçi Ramiz Tağıyevin MTN-in təcridxanasında saxlanılan bacısı oğlu Akif Səfərov aclıq aksiyasına başlayıb. Bu barədə Reportyorların Azadlıq və Təhlükəsizlik İnstitutuna (RATİ) Ramiz Tağıyev məlumat verib. O bildirib ki, Akif Səfərov aclıq aksiyasını qanunsuz həbs olunmasına etiraz olaraq keçirir.
Xatırladaq ki, Akif Səfərov Nəqliyyat naziri Ziya Məmmədovun ofisinin dinlənilməsi ilə əlaqədar bir müddət əvvəl Milli Təhlükəsizlik Nazirliyinin həbs etdiyi “Aqroyol” Səhmdar Cəmiyyətinin sədri Eldar Əliyevlə qanunsuz torpaq alqı-satqısı məsələsinə görə noyabrın 18 də saxlanılıb. Noyabrın 21-də isə onun barəsində Nəsimi rayon məhkəməsində 3 aylıq həbs qətimkan tədbiri seçilib”.