Reportyorların Azadlıq və Təhlükəsizlik İnstitutu (RATİ) Gürcüstanın Qori şəhərində hadisələri işıqlandıran ANS telekanalının çəkiliş qrupunun, habelə digər jurnalistlərin rus hərbçiləri tərəfindən atəşə tutulmasını pisləyir.
Belə ki, ANS telekanalının məlumatına görə, avqustun 14-də rus tankları Qoriyə gedən bütün yolları bağlayıb. Rus hərbçiləri hadisələri işıqlandırmaq istəyən jurnaistləri şəhərə buraxmayıb, bəzi jurnalistlərin çəkiliş avadanlıqları güclə onların əllərindən alınıb.
RATİ rus hərbçilərinin jurnalistlərə qarşı yönələn hərəkətlərini həm Gürcüstanın özündə, həm də bütün regionda söz azadlığına qarşı ağır cinayət kimi qiymətləndirir. RATİ hesab edir ki, son günlərdə gürcü-osetin münaqişəsi zonasında jurnalistlərin ölümündə və yaralanmasında rus hərbçiləri təqsirlidir. Həmçinin RATİ hesab edir ki, rus hərbçilərinin Gürcüstan ərazisində jurnalistlərə və dinc əhaliyə qarşı zorakı hərəkətləri həm gürcü, həm də beynəlxalq qanunvericiliyi pozur.
Mövcud vəziyyətdə jurnalistlərin növbəti qurbana çevrilməsindən qaçmaq üçün RATİ həm rus, həm də gürcü hərbi komandanlığını hadisələri işıqlandırmaq üçün jurnalistlərə şəraitin yaradılmasını, eləcədə jurnalistlərin işlərinə müdaxilələrin olunmamasını təmin etməyə çağırır.
RATİ rus hərbçilərinin jurnalistlərə qarşı yönələn hərəkətlərini həm Gürcüstanın özündə, həm də bütün regionda söz azadlığına qarşı ağır cinayət kimi qiymətləndirir. RATİ hesab edir ki, son günlərdə gürcü-osetin münaqişəsi zonasında jurnalistlərin ölümündə və yaralanmasında rus hərbçiləri təqsirlidir. Həmçinin RATİ hesab edir ki, rus hərbçilərinin Gürcüstan ərazisində jurnalistlərə və dinc əhaliyə qarşı zorakı hərəkətləri həm gürcü, həm də beynəlxalq qanunvericiliyi pozur.
Mövcud vəziyyətdə jurnalistlərin növbəti qurbana çevrilməsindən qaçmaq üçün RATİ həm rus, həm də gürcü hərbi komandanlığını hadisələri işıqlandırmaq üçün jurnalistlərə şəraitin yaradılmasını, eləcədə jurnalistlərin işlərinə müdaxilələrin olunmamasını təmin etməyə çağırır.
RATİ həmçinin Azərbaycan hakimiyyətini və beynəlxalq ictimaiyyəti rus hərbçilərinin jurnalistlərə qarşı zorakılığını qınamağa və Rusiya hakimiyyətindən bu cinayətləri törədənləri tapıb cəzalandırmağı tələb etməyə çağırır.