Bu gün (4 iyun) Bakı Apellyasiya Məhkəməsində hakim Məmməd Məmmədovun sədrliyi ilə telejurnalist İlhamiyyə Rzayevanın “Space” Müstəqil Teleradio Şirkətinə qarşı “Şəxsi həyata müdaxilənin qanunsuz sayilması” iddiasına əsasən Yasamal rayon Məhkəməsinin 18 yanvar 2010-cu il tarixli qətnaməsindən apellyasiya şikayəti üzrə məhkəmə prosesi keçirildi.
Prosesdə iddiaçının vəkili, Hüquq Maarifçiliyi Cəmiyyətinin hüquqşünası Nurlana Əliyeva və cavabdehin vəkili Əlirza Həbilov iştirak edirdilər.
İddiaçının vəkili N.Əliyeva proses barədə ümumi məlumat verərək bildirdi ki, hüquqlarını müdafiə etdiyi şəxs 2006-cı ilin may ayında öz ərizəsi ilə işdən azad olunduqdan sonra işdən azad olunması barədə əmrin surəti və əmək kitabçası işdən azad olunduqdan üç il sonra ona təqdim edilib və telekanalda işlədiyi müddət barədə əmək kitabçasına heç bir qeyd aparılmayıb. Vəkil bunun qanunsuz olduğunu deyərək, iddianın təmin edilməsini məhkəmədən xahiş etdi.
Cavabdehin vəkili Ə. Həbilov əmək kitabçasında qeydlərin aparılması üçün müvafiq sübutların təqdim edilməli olduğunu bildirdi və iddiaçının apellyasiya şikayətinin təmin edilməməsini istədi.
Müşavirədən sonra hakim M. Məmmədov iddianın təmin edilmədiyini bildirdi.
Vəkil N. Əliyeva RATİ-yə hakimin bu qərarından kassasiya şikayəti verəcəklərini dedi.
İddiaçının vəkili N.Əliyeva proses barədə ümumi məlumat verərək bildirdi ki, hüquqlarını müdafiə etdiyi şəxs 2006-cı ilin may ayında öz ərizəsi ilə işdən azad olunduqdan sonra işdən azad olunması barədə əmrin surəti və əmək kitabçası işdən azad olunduqdan üç il sonra ona təqdim edilib və telekanalda işlədiyi müddət barədə əmək kitabçasına heç bir qeyd aparılmayıb. Vəkil bunun qanunsuz olduğunu deyərək, iddianın təmin edilməsini məhkəmədən xahiş etdi.
Cavabdehin vəkili Ə. Həbilov əmək kitabçasında qeydlərin aparılması üçün müvafiq sübutların təqdim edilməli olduğunu bildirdi və iddiaçının apellyasiya şikayətinin təmin edilməməsini istədi.
Müşavirədən sonra hakim M. Məmmədov iddianın təmin edilmədiyini bildirdi.
Vəkil N. Əliyeva RATİ-yə hakimin bu qərarından kassasiya şikayəti verəcəklərini dedi.