Bu gün (06 dekabr) Niderland Jurnalistika Məktəbinin bir qrup tələbəsi müəllimləri – bir müddət bundan əvvəl Hindistanda yol qəzası nəticəsində vəfat edən Brent Hurdun xatirəsinə həsr olunmuş tədbir keçirdilər.
Tədbirdə jurnalistin tələbələri, yaxın dostları və media nümayəndələri iştirak edirdilər. Tələbələri və dostları onunla bağlı xatirələrini paylaşıblar.
Qeyd edək ki, Brent Hurd 1970-ci ildə Texas ştatının Austin şəhərində anadan olub. 2001-2007-ci illərdə “Amerikanın səsi” radiosunda könüllü kimi fəaliyyət göstərib. O, “American” Universitetinin professoru olub. Ona azərbaycanlı tələbələrə isə cəmi 5 ay jurnalistikanın sirrlərini öyrətmək qismət olub. Mərhum Hurd “İslama qayıdış” adlı film çəkirmiş, lakin faciəvi vəfatı bu filmin çəkilişinin yarımçıq qalmasına səbəb olub.