Bu gün (29 iyun) Azərbaycan Media Mərkəzində Prezident yanında QHT-lərə Dövlət Dəstəyi Şurasının sədri Azay “Qeyri-hökumət təşkilatları (ictimai birliklər və fondlar) haqqında” Qanuna təklif olunan əlavə və dəyişikliklərlə bağlı tədbir keçirdi.
Azay Quliyev məlumat verdi ki, Milli Məclisin hüquq siyasəti və dövlət quruculuğu komitəsinin bugünkü iclasında QHT-ləri narahat edən müddəalar bir daha müzakirə olunub və belə qərara gəlinib ki, QHT-ləri narahat edən, vətəndaş cəmiyyətinin inkişafına əks-təsir edən bütün müddəalar aradan qaldırılsın. Millət vəkili vurğuladı ki, qanun layihəsi Milli Məclisin sabah keçirilən iclasında yeni paket formasında müzakirə olunacaq.
Tədbirdə iştirak edən Vətəndaş Cəmiyyətini Müdafiə Komitəsinin üzvləri isə bildirdilər ki, bu şifahi açıqlama fikir yayındırmağa hesablanıb. Onlar bir daha vurğuladılar ki, təklif olunan dəyişikliklər ümumilikdə antidemokratik və hüquqa zidd olduğu üçün tamamilə müzakirədən çıxarılmalıdır.
VCMK İşçi Qrupunun üzvləri media nümayəndələrinə bildirdilər ki, sabah saat 11.00-da Milli Məclisin qarşısında etiraz aksiyası keçiriləcək.
Tədbirdə iştirak edən Vətəndaş Cəmiyyətini Müdafiə Komitəsinin üzvləri isə bildirdilər ki, bu şifahi açıqlama fikir yayındırmağa hesablanıb. Onlar bir daha vurğuladılar ki, təklif olunan dəyişikliklər ümumilikdə antidemokratik və hüquqa zidd olduğu üçün tamamilə müzakirədən çıxarılmalıdır.
VCMK İşçi Qrupunun üzvləri media nümayəndələrinə bildirdilər ki, sabah saat 11.00-da Milli Məclisin qarşısında etiraz aksiyası keçiriləcək.