Oktyabrın 24-də Səbail rayon Məhkəməsində hakim Rauf Əhmədovun sədrliyi ilə keçirilən prosesdə jurnalist Xədicə İsmayılovanın “Səs” qəzeti redaksiyasına qarşı şərəf və ləyaqətin, işğüzar nüfuzun müdafiəsi və mənəvi zərərin ödənilməsinə dair iddiası üzrə təmin edilməyib. Bu barədə bu gün (24 oktyabr) Reportyorların Azadlıq və Təhlükəsizlik İnstitutuna (RATİ) Xədicə İsmayılovanın vəkili Fariz Namazlı məlumat verib.
Vəkil F. Namazlı bu qərardan apellyasiya şikayəti veriləcəyini bildirdi.Xatırladaq ki, jurnalist Xədicə İsmayılova “Səs”qəzetində çıxan iki məqalə –
“Xədicənin söz azadlığına qiyməti” və “Xədicə “xanım”ın “qiyməti” neçəyədir” ilə bağlı məhkəməyə müraciət edib. O, şərəf və ləyaqətinə, işgüzar nüfuzuna dəyən zərərə görə, qəzetin təkzib verməsini və 2000 manat təzminat ödəməsini istəyib.