Bu gün (01 aprel) saat 14.30-da Media Hüququ İnstitutunun vəkili Elçin Sadıqov Milli Təhlükəsizlik Nazirliyinə (MTN) dəvət edilib.
Bu barədə Reportyorların Azadlıq və Təhlükəsizlik İnstitutuna (RATİ) məlumat verən Elçin Sadıqov bildirdi ki, MTN-də ondan vəkili olduğu “Gündəlik Azərbaycan” və “Realnıy Azerbaydjan” qəzetlərinin həbsdə olan baş redaktoru Eynulla Fətullayevin açıqlamaları ilə bağlı izahat almaq istəyiblər. “MTN-in İstintaq İdarəsinin müstəntiqi Faiq Hacılıya bildirdim ki, qanunvericiliyə görə, vəkillər peşə fəaliyyətləri ilə bağlı dindirilə bilməzlər. Bu səbəbdən də mən izahat verməkdən imtina etdim” – deyən E.Sadıqov əlavə etdi ki, 30-40 dəqiqə MTN-də olub.
Qeyd edək ki, 2 həftə əvvəl bir neçə media nümayəndəsi də Eynulla E.Fətullayevin “Monitor” jurnalının baş redaktoru Elmar Hüseynovun qətli ilə bağlı açıqlamaları ilə əlaqədar MTN-ə dəvət çağırılmışdılar.
Hüquq Maarifçiliyi Cəmiyyətinin rəhbəri İntiqam Əliyev məsələ ilə əlaqədar RATİ-yə bildirib ki, vəkilin peşə fəaliyyəti ilə əlaqədar MTN-ə çağırılması bütün hallarda yolverilməzdir və bu, cəmiyyətin gözünü qorxutmaq üçün atılmış növbəti addımdır.
Qeyd edək ki, 2 həftə əvvəl bir neçə media nümayəndəsi də Eynulla E.Fətullayevin “Monitor” jurnalının baş redaktoru Elmar Hüseynovun qətli ilə bağlı açıqlamaları ilə əlaqədar MTN-ə dəvət çağırılmışdılar.
Hüquq Maarifçiliyi Cəmiyyətinin rəhbəri İntiqam Əliyev məsələ ilə əlaqədar RATİ-yə bildirib ki, vəkilin peşə fəaliyyəti ilə əlaqədar MTN-ə çağırılması bütün hallarda yolverilməzdir və bu, cəmiyyətin gözünü qorxutmaq üçün atılmış növbəti addımdır.