Bu gün (2 sentyabr) “Azadlıq” qəzetinin həbsdə olan baş redaktoru Qənimət Zahidin (Zahidov) cəza çəkdiyi 17 saylı Cəzaçəkmə Müəssəsindən Ədliyyə Nazirliyi Penitensiar Xidmətinin Mərkəzi Müalicə Müəssəsinə köçürülməsi gözlənilirdi.
Amma Q.Zahidin həyat yoldaşı Ayəndə Mürsəliyevanın RATİ-yə verdiyi məlumata görə, baş redaktor hələ də müalicə müəssisəsimə köçürülməyib.
Qeyd edək ki, revmatizm xəstəliyindən əziyyət çəkən baş redaktorun ayaqlarındakı ağrılar son günlər şiddətlənib. Bu səbəbdən də, onun müalicə müəssisəsinə köçürülməsi üçün zəruriyyət yaranıb.