Hüquq müdafiəçisi və “Tolışı sədo” qəzetinin həbsdə olan baş redaktoru Hilal Məmmədov qanı və sidiyindən narkomaniya ilə bağlı analizin götürülməsinə etiraz edib. Bu barədə bu gün (20 iyul) Sülh və Demokratiya İnstitutu məlumat yayıb.
Məlumatda bildirilir ki, H.Məmmədov müayinəyə iyulun 12-də aparılıb. O şəxsiyyətinin narkoman və narkomaniyanı yaymaq ittihamı ilə alçaldığını, onun DİN əməkdaşları tərəfindən qəddarlıqla döyüldüyünü əsas gətirərək müayinədən keçməkdən imtina edib. Bu barədə 7 nəfərdən ibarət ekspertiza komissiyası akt tərtib edib və H.Məmmədovun fikirləri akta qeyd edilib.
Habelə H.Məmmədov bir qapalı avtomobildə 20 nəfərə yaxın narkoman və vərəm xəstəsi ilə bərabər Zığda yerləşən Respublika Narkoloji Mərkəzə müayinəyə aparılarkən də hüquqlarının kobud şəkildə pozulduğunu bildirib. Belə ki, asma xəstəliyindən əziyyət çəkən H.Məmmədov darısqal bir avtomobildə, isti havada 20 nəfərə qədər adamla bərbər müayinəyə aparılmağını da şəxsiyyətinin alçaldılması və həyatının təhlükə altında qoyulmağı kimi qiymətləndirib.
Xatırladaq ki, “Tolışi sədo” qəzetinin baş redaktoru Hilal Məmmədov bu il iyunun 21-də saxlanılıb. Onun haqqında Nizami Rayon Polis İdarəsində Cinayət Məcəlləsinin 234.4.3-cü (Qanunsuz olaraq külli miqdarda narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama) maddəsi ilə cinayət işi açılıb. İyunun 22-də Nizami rayon məhkəməsi onun barəsində 3 aylıq həbs qəti-imkan tədbiri seçib. İyulun 3-də isə Hilal Məmmədova əlavə ittihamlar (CM-nin 274 (dövlətə xəyanət) və CM-nin 283-cü (milli, irqi, sosial və ya dini nifrət və düşmənçiliyin salınması) maddəsi irəli sürülüb.
Habelə H.Məmmədov bir qapalı avtomobildə 20 nəfərə yaxın narkoman və vərəm xəstəsi ilə bərabər Zığda yerləşən Respublika Narkoloji Mərkəzə müayinəyə aparılarkən də hüquqlarının kobud şəkildə pozulduğunu bildirib. Belə ki, asma xəstəliyindən əziyyət çəkən H.Məmmədov darısqal bir avtomobildə, isti havada 20 nəfərə qədər adamla bərbər müayinəyə aparılmağını da şəxsiyyətinin alçaldılması və həyatının təhlükə altında qoyulmağı kimi qiymətləndirib.
Xatırladaq ki, “Tolışi sədo” qəzetinin baş redaktoru Hilal Məmmədov bu il iyunun 21-də saxlanılıb. Onun haqqında Nizami Rayon Polis İdarəsində Cinayət Məcəlləsinin 234.4.3-cü (Qanunsuz olaraq külli miqdarda narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama) maddəsi ilə cinayət işi açılıb. İyunun 22-də Nizami rayon məhkəməsi onun barəsində 3 aylıq həbs qəti-imkan tədbiri seçib. İyulun 3-də isə Hilal Məmmədova əlavə ittihamlar (CM-nin 274 (dövlətə xəyanət) və CM-nin 283-cü (milli, irqi, sosial və ya dini nifrət və düşmənçiliyin salınması) maddəsi irəli sürülüb.