Qənimət Zahidin vəkili Elçin Sadıqovun RATİ-yə verdiyi məlumata görə, hüquq müdafiəçilərinin, baş redaktora dəstək məqsədilə aclıq edən şəxslərin ona müraciətindən sonra Qənimət Zahidov bu gün saat 12:00-da aclıq aksiyasını dayandırıb.
“Yeni Müsavat” qəzetinin əməkdaşı Həkimeldostu Mehdiyev RATİ-yə bildirib ki, “Müsavat” başqanı İsa Qəmbər və Qənimət Zahidovun müraciətindən sonra aclıq aksiyası ümumilikdə dayandırılıb. Baş redaktor müraciətində onunla həmrəy olan jurnalistlərə təşəkkürünü bildirib.
