Yeni Musavat qəzetinin əməkdaşı Günay Musayeva da hadisə zamanı jurnalistin yanında idi. O, ARDNŞ mühafizəçiləri tərəfindən fiziki təzyiqə məruz qalmış və xəsarət almışdır.
Daha üç journalist – RATİ əməkdaşları Elnur Məmmədov və Qalib Həsənov və Azadlıq Radiosunun əməkdaşı Esmira Cavadova taksi ilə hadisə yerinə gələn zaman ARDNŞ mühafizəçiləri maşının qabaq şüşəsini sındırmış və jurnalistləri maşından çıxarmış, təhqir etmiş və zorakılığa məruz qoymuşdur. Mühaifəçilər həmçinin jurnalistin kamerasını almağa cəhd ediblər.
RATİ ARDNŞ və polis işçiləri tərəfindən müstəqil mediaya qarşı törədilən qəddar addımdan narahatlığını bildirir. Bugünkü hadisələr dövlət başçısı İlham Əliyevin ifadə azadlığının təminatı ilə bağlı çıxışından bir gün sonra baş verib. Onun ictimai vədləri və bugünkü qəddar hadisələr arasındakı ziddiyyət dərin narahatlıq doğurur və Azərbaycan hökumətinin azad mediaya qarşı dözümsüzlüyünü nümayiş etdirir.
RATİ Azərbaycan hökumətini ifadə azadlığı hüququnu qorumağa çağırır. Bugün Sulutəpədə baş verənlər beynəlxalq qanunlara, o cümlədən Ümumdünya İnsan Haqları Bəyannaməsinə və Azərbaycanın BMT və Avropa Şurası qarşısında götürdüyü öhdəliklərə ziddir.