Mayın 1-dən 3-ə qədər Vaşinqtonda YUNESKO tərəfindən keçirilən 3 may Dünya Mətbuat Azadlığı Günü ilə bağlı tədbirdə Reportyorların Azadlıq və Təhlükəsizlik İnstitutunun sədri Emin Hüseynov da iştirak edib.
Hüseynov Azərbaycanda söz və ifadə azadlığının vəziyyəti ilə bağlı hazırlanmış xüsusi müraciəti tədbir iştirakçılarına paylayıb. O, bir sıra media ekspertləri, söz və ifadə azadlığı sahəsində fəaliyyət göstərən QHT-lərin rəhbərləri, jurnalistlərlə görüşüb. YUNESKO-nun Baş Direktoru İrina Bokova ilə görüşündə Hüseynov Azərbaycanda həbsdə olan jurnalist Eynulla Fətullayevin məsələsini qaldırıb, onun azadlığa çıxması üçün YUNESKO tərəfindən səylərin artırılmasını xahiş edib.