Müstəqil şəkildə fəaliyyət göstərən jurnalist Məğrur Bədəlsoy RATİ-yə bildirib ki, o 15.12.2007-ci il tarixdə prezidentə, Baş Prokurora və Daxili İşlər nazirinə müraciət edib.
Müraciətdə jurnalistin müraciət hüququnun zorla pozulması, onun təhqir və təzyiqlərə məruz qalması göstərilir. Bu əməlləri törətmiş şəxslər barəsində cinayət işinin qaldırılması tələb olunur.
Xatırladaq ki, Məğrur Bədəlsoy Daxili İşlər naziri Ramil Usubovun qəbuluna düşmək üçün əvvəlcədən qeydiyyata alınmış və dekabrın 15-də nazirlə görüşməliymiş. Lakin Baş istintaq və təhqiqat idarəsinin əməkdaşları onu zorla otaqdan çıxarmışdılar. Bədəlsiy 3 saatdan artıq 9-cu polis bölməsində saxlanılmış və o təhqir edilmişdi.