Jurnalist Gülnaz Qənbərlinin “Sevinc Osmanqızının jurnalı” dərgisinin baş redaktoru Sevinc Osmanqızına (Mirzəyeva) qarşı iddiası təmin olunmayıb.
Bu barədə Reportyorların Azadlıq və Təhlükəsizlik İnstitutuna (RATİ) Gülnaz Qənbərlinin özü məlumat verib. O bildirib ki, 2009-cu ilin aprel ayından oktyabr ayınadək “Sevinc Osmanqızının jurnalı”nda işləsə də, işdən çıxdıqdan sonra baş redaktor Sevinc Osmanqızı bu barədə onun əmək kitabçasında qeyd aparmaqdan imtina etdiyinə görə məhkəməyə müraciət edib. “Yasamal rayon məhkəməsinin hakimi Xaqani Tağıyev bu gün (27 iyul) keçirilən son məhkəmə prosesində iddianın təmin edilməməsi barədə qərar çıxarıb” – deyən Gülnaz Qənbərli vurğuladı ki, qərardan apellyasiya şikayəti verəcək.
Qeyd edək ki, Sevinc Osmanqızı hazırda ANS telekanalında yayımlanan “Cümə Sevinc Osmanqızı ilə” verilişinin aparıcısıdır.