JURNALiSTLƏR POLİS TƏRƏFİNDƏN HADİSƏ YERİNDƏN UZAQLAŞDIRILIB

aprel 30th, 2009
Bu gün (30 aprel) saat 9.30 radələrində Azərbaycan Dövlət Neft Akademiyasının 2 saylı tədris binasında qanlı hadisə baş verib.

Naməlum şəxs binaya daxil olaraq, birinci mərtəbədən altıncı mərtəbəyədək qarşısına çıxan hər kəsə "Makarov" tipli tapançadan atəş açıb və nəticədə 12 nəfər ölmüş, 13 nəfər müxtəlif dərəcəli bədən xəsarətləri almışdır. Polis tərəfindən zərərsizləşdiriləcəyini görən silahlı cinayətkar özünü öldürmüş və onun üzərindən 1980-ci il təvəllüdlü Gürcüstan vətəndaşı Qədirov Fərda Əsəd oğluna məxsus şəxsiyyət vəsiqəsi tapılmışdır. DİN və Baş prokurorluğun yaydığı rəsmi məlumata görə, cinayət işinin istintaqı Azərbaycan Respublikası Prezidentinin nəzarəti altındadır.
Hadisə yerində informasiya toplamağa gəlmiş jurnalistlər binadan uzaqlaşdırılmış və insidentlə bağlı hüquq-mühafizə orqanlarının rəsmiləri tərəfindən media nümayəndələrinə açıqlama verilməmişdir.
Qeyd edək ki,  baş verən qanlı hadisədə jurnalist ailələri də ziyan çəkib. “İnterfaks” agentliyinin əməkdaşı Anar Əzizovun anası, həmin ali məktəbin müəlliməsi Tamella Əzizova da həlak olub. Bundan başqa, “Azərpress” İnformasiya Agentliyinin əməkdaşı Bəhram Rüstəmbəyovun atası, akademiyanın laboratoriya əməkdaşı Faiq Rüstəmbəyov isə yaralanıb.  Reportyorların Azadlıq və Təhlükəsizlik İnstitutunun əməkdaşları hər iki informasiya agentliyi ilə əlaqə saxlayıblar və xəbərlər təsdiqlənib.
Hadisə ilə bağlı video və fotolara aşağıdakı linklər vasitəsilə baxa bilərsiniz:
Foto: http://www.irfs.az/component/option,com_datsogallery/Itemid,30/func,viewcategory/catid,237/lang,az/
              http://www.irfs.az/content/view/2254/31/lang,az/ (2 hissə)
              http://www.irfs.az/content/view/2255/31/lang,az/ (3 hissə)
              http://www.irfs.az/content/view/2256/31/lang,az/ (4 hissə)