“Söz Azadlığı və jurnalistlərə yardım fondu” bir neçə jurnalistə yardım edib.
“Ötən müddət ərzində onlara daxil olan 7 müraciətə baxılıb və yardım barədə qərar da Fondun İdarə Heyətinin iclasında qəbul edilib. Fondun Əsasnaməsinin məhkəmə prosesinə cəlb edilən jurnalistin müdafiəsinə yardım edilməsi bəndinə görə “Yeni Müsavat” və “Xural” qəzetinin redaksiyalarının hər birinə 300 manat məbləğində maliyyə yardımı edilib. Peşə borcunu yerinə yetirərkən xəsarət alan jurnalistin müalicəsinə yardım edilməsi bəndinə görə “Day.az” saytının əməkdaşı Əkbər Həsənova, “Yeni Müsavat” qəzetinin əməkdaşı Elmin Bədəlova, “Milli yol ” qəzetinin əməkdaşı Anar Əliyevə müstəqil jurnalist Mahal İsmayıloğluna 240 manat məbləğində yardım edillib – deyə Fonddan bildiriblər.
Bundan başqa təzyiqlər nəticəsində fəaliyyətini dayandıran jurnalistə yardım edilməsi bəndinə görə AZ.TV- nin sabiq əməkdaşı Asəf Quliyevə 240, həbs edilən jurnalistin ailə üzvünə və ya nümayəndəsinə yardım edilməsi bəndinə görə bloggerlər Emin Milli və Adnan Hacızadənin, habelə “Gündəlik Azərbaycan” və “Realnıy Azerbaydjan” qəzetlərinin baş redaktoru Eynulla Fətullayevin ailəsinə 500 manat məbləğində maliyyə yardımı edilib.
Xatırladaq ki, “Söz azadlığı və jurnalistlərin müdafiəsinə yardım fondu” Açıq Cəmiyyət İnstitutu Yardım Fondunun maliyyə dəstəyi ilə fəaliyyət göstərir. Fondun təsisçiləri “Yeni Nəsil” Jurnalistlər Birliyi, “Azərbaycan Jurnalistlər Birliyi”, “Nəcəf Nəcəfov Fondu” və Azərbaycan Demokratik Jurnalistlər Liqasıdır. Bütövlükdə 1800 manat həcmində maliyyə yardımı ayrılıb